ხვალ, 27 აგვისტოს (2024), ისტორიული მისია დაიწყება 🚀
✦ მისიის ფარგლებში, SpaceX-ი დედამიწის ორბიტაზე ოთხ ადამიანს გაიყვანს და ხუთი დღის განმავლობაში Crew Dragon კაფსულით ამოგზაურებს.
Space .com-ის თანახმად, კვარტეტი დედამიწიდან იმაზე შორს გაფრინდება, ვიდრე ნებისმიერი ადამიანი პროგრამა "აპოლოს" შემდეგ, ხოლო ორი მათგანი, კერძო მისიის ფარგლებში, პირველად გავა ღია კოსმოსში.
გთავაზობთ მოკლე მიმოხილვას იმისა, თუ რას უნდა ველოდოთ Polaris Dawn-ის განმავლობაში.
მისიაზე დაკვირვება პირდაპირ ეთერში შეგვეძლება.
✦ მისიის მესამე დღე:
ღია კოსმოსში გასვლა მისიის მესამე დღეს მოხდება, ხუთშაბათს (29 აგვისტო, 2024).
ჯერჯერობით, SpaceX-ისა და Polaris Dawn-ის გუნდებს არ დაუკონკრეტებიათ დრო.
ეკიპაჟის ოთხი წევრიდან ღია სივრცეში მხოლოდ ორი გავა: მეთაური ჯარედ აიზეკმანი, რომელმაც დააფინანსა Polaris Dawn-ი და მისიის სპეციალისტი სარა გილისი, SpaceX-ის ინჟინერი.
თუმცა, დანარჩნ ორ ასტრონავტსაც ("სფეის იქსის" ინჟინერი და მისიის სპეციალისტი ანნა მენონი და პილოტი სკოტ პოტიტი) მოუწევთ სკაფანდრების მორგება, რადგან კაფსულას არ გააჩნია ძირითადი ნაწილისგან გამოყოფილი ლუქი.
ანუ, მთელ კაფსულას კოსმოსური ვაკუუმი მოიცავს.
კაფსულაში წნევის დაგდებას და შემდეგ ისევ საცხოვრებელ პირობებში მოყვანის პროცესს 2 საათი დასჭირდება.
ჯარედი და სარა კოსმოსში ცალ-ცალკე გავლენ და თითოეული 15-დან 20 წუთამდე იქნება კაფსულის მიღმა.
✦ ტესტირება:
აიზაკმენი და გილისი რამდენიმე მნიშვნელოვან მიზანს მიაღწევენ მას შემდეგ, რაც კაფსულიდან გავლენ.
» ,,შესაძლოა, ისე ჩანდეს, რომ ვცეკვავთ, მაგრამ რეალურად ამ დროს კოსტიუმს მრავალმხრივ დავტესტავთ.
მიზანი ის არის, რომ ინჟინრებს დეტალური ინფორმაცია მივაწოდოთ, რათა შეძლონ სკაფანდრების დიზაინის განვითარება მომავალი მისიებისთვის." - თქვა ჯარედმა პრესკონფერენციაზე.
Polaris Dawn-ი გახლავთ პროგრამა "პოლარისის" სამი მისიიდან პირველი.
პროგრამას კი აიზაკმენი აფინანსებს.
თუ ყველაფერი გეგმის მიხედვით წარიმართება, პროგრამის მესამე მისიისას, "სტარშიფის", კაცობრიობის უმძლავრესი კოსმოსური ხომალდის, პირველი პილოტირებული ფრენა შედგება.
დეტალებს პირდაპირი ეთერის შესახებ, დაზუსტებისთანავე გაცნობებთ.