მზის აწმყო და მომავალი☀️
• მზე პლაზმას მასიური ბურთია, რომელიც შედგება ძირითადად წყალბადისა და ჰელიუმისგან.
მზის ენერგია წარმოიქმნება მის ბირთვში მიმდინარე ბირთვული პროცესებით.
ანუ, წყალბადი გარდაიქმნება ჰელიუმად და თავისუფლდება ენერგიის უზარმაზარი რაოდენობა.
შემდეგ ეს ენერგია გადადის მზის ზედაპირზე კონვექციისა და რადიაციის მეშვეობით, ამის შემდეგ ნაწილდება მთელს მზის სისტემაში, მათ შორის ჩვენს პლანეტაზეც.
ამჟამად ითვლება, რომ მზე თავისი სიცოცხლის ყველაზე სტაბილურ ფაზაშია.
მისი ზომის ვარსკვლავებისთვის ეს ფაზა 8 მილიარდ წელზე მეტ ხანს გრძელდება.
ხოლო, ჩვენი მზის სისტემა, როგორც ვიცით, 4.5 მილიარდ წელზე ცოტათი მეტი ასაკისაა.
ამრიგად, მზეს უკვე გავლილი აქვს თავისი სტაბილური ცხოვრების ნახევარზე მეტი.
დარჩენილი ნახევრის გასვლის შემდეგ, მზე "გუგუნს" დაიწყებს.😄
წყალბადის მარაგი ამოეწურება და დარჩება მხოლოდ ჰელიუმი, რომელსაც ვერ დაწვამს, რადგან მზე საკმარისად ცხელი და მკვრივი არაა.
ვარსკვლავში გრავიტაცია ყველა გაზს ცენტრისკენ უბიძგებს.
როდესაც ვარსკვლავს წყალბადი აქვს დასაწვავი, ჰელიუმის წარმოება ქმნის საკმარის გარე წნევას გრავიტაციული მიზიდულობის დასაბალანსებლად.
მაგრამ, როდესაც ვარსკვლავის ბირთვში დასაწვავი არაფერი რჩება, გრავიტაციული ძალები იპყრობენ მას.
საბოლოოდ, ეს ძალა ისე შეკუმშავს ვარსკვლავის ცენტრს, რომ იგი დაიწყებს წყალბადის წვას მკვდარი ბირთვის გარშემო არსებულ პატარა გარსში, რომელიც ჯერ კიდევ სავსე იქნება ჰელიუმით.
როგორც კი მზე დაიწყებს მეტი წყალბადის წვას, ის ჩაითვლება "წითელ გიგანტად".
ცენტრის შეკუმშვის პროცესი ვარსკვლავის გარე რეგიონებს გაფართოვების საშუალებას მისცემს.
ბირთვის გარშემო გარსში წყალბადის წვა მნიშვნელოვნად გაზრდის მზის სიკაშკაშეს.
ვარსკვლავის ზომის მატებასთან ერთად, მისი ზედაპირი კლებულობს და წითლდება.
იმის გამო, რომ ვარსკვლავი უფრო კაშკაშა, წითელი და ფიზიკურად უფრო დიდია, ვიდრე ადრე, ასეთ ვარსკვლავებს ეწოდებათ "წითელი გიგანტები".
ამის შემდეგ, მზე გადავა ახალ ფაზაში და გახდება "თეთრი ჯუჯა".
ამ ეტაპზე, მზეს უკვე ამოწურული ექნება მთელი თავისი ბირთვული საწვავი და ვეღარ შეძლებს ბირთვული რეაქციების წარმოებას.
შემდეგ, მზე დაიწყებს გაცივებას და ჩაქრობას, რაც მიიყვანს მას "შავ ჯუჯობამდე".
ასე გახდება ჩვენი გიგანტური ბუნებრივი ბირთვული რეაქტორი შავი ჯუჯა.
მიიჩნევა, რომ დედამიწა, როგორც პლანეტა, ვერ გადაურჩება მზის გაფართოებას.
მზის ზედაპირი სავარაუდოდ მარსის ამჟამინდელ ორბიტაბდე მიაღწევს - და მიუხედავად იმისა, რომ დედამიწის ორბიტა იმ დროისთვის შესაძლოა გარედან ოდნავ გაფართოვდეს, ეს არ იქნება საკმარისი იმისათვის, რომ მზის ზედაპირზე მოხვედრას გადაურჩეს, რაც პლანეტის სწრაფად დაშლას გამოიწვევს.