ანჯელინა ჯოლი - ქალი, რომელიც არც ერთ სილამაზის სტანდარტს არ ემორჩილება, მაგრამ მსოფლიოს ლამაზ ქალბატონებს შორის საპატიო ადგილი უკავია! ამიტომ, ნუ ცდილობთ სტანდარტებს დაემორჩილოთ, უბრალოდ იყავით ის, ვინ სინამდვილეში ხართ❤#ახალიამბები

ნებისმიერ ადამიანს უყვარს სამშობლო, ადგილი სადაც დაიბადა, გაიზარდა, ფესვები გაიდგა. მაგრამ საქართველოს სიყვარული მისი უკეთესი მომავალი ქართველი ხალხისთვის ბევრად მეტს ნიშნავს, ვინაიდან მათ ევალებათ წინაპრების სიცოცხლის ფასად დაცული ქვეყანა შთამომავლობას გადასცენ. მე არ დავიწყებ ისტორიული ფაქტების დაწერას,ეს შორს წაგვიყვანს, მაგრამ უნდა აღვნიშნო, რომ ათასწლეულების მანძილზე ჩვენს პატარა საქართველოს გიგანტი სახელმწიფოები უპირისპირდებოდნენ, თავს ესხმოდნენ და უმოწყალოდ კლავდნენ მშვიდობიან მოსახლეობას. თუმცა,ქართველთა სულიერი და ფიზიკური სიძლიერის წყალობით გვქონდა დიდებული ხანაც, რომელიც საქართველოს ისტორიაში ოქროს ასოებით ჩაიწერა. მართლაც, რომ დიდებულია ჩვენი წარსული, მაგრამ რანი ვართ ქართველები დღეს? დღევანდელი საქართველო არ არის უწინდებურად ძლიერი, თუმცა არის ძალიან ბევრი სასიამოვნო სიახლეც. დავიწყოთ იქიდან, რომ ჩვენს ქვეყანას გიგანტი სახელმწიფოები დღესაც ებრძვიან, გვყავს ერის მოღალატე ქართველები, რომლებიც ოცდაათ ვერცხლზე გაიყიდნენ, ჯერ კიდევ ვერ გამოვედით მოძველებული და გაუფასურებული ტრადიციების კლანჭებიდან, დღესაც უკანონოდ ისაკუთრებენ სიცოცხლის ფასად შენარჩუნებულ საქართველოს ტერიტორებს და ა.შ. მაგრამ ჩვენ შეგვრჩა სტუმართმოყვარეობის უდიდესი ტრადიცია, სამშობლოს სიყვარული, ყველაზე ძვირფასი სარწმუნოება და რაც მთავარია - სამართლიანობა. ჩვენ არ ვართ მხოლოდ ტექნოლოგიების, ინტერნეტის და სოციალური ქსელების თაობა, ჩვენ ვართ თავისუფალი, დამოუკიდებელ საქართველოში მცხოვრები და მისი უკეთესი მომავლისთვის მებრძოლი ჯარისკაცები! მაგრამ ყველაზე უარესი, "მამათა და შვილთა ბრძოლა" დღემდე გრძელდება. თავის დროზე, ილია ჭავჭავაძე დაუპირისპირდა ამ მწვავე პრობლემას, თუმცა უშედეგოდ... ისინი მაინც აგრძელებდნენ შვილებზე არაფრისმთქმელი არგუმენტებით აუგის თქმას და მათ დამცირებას. მე არ ვამბობ, რომ შვილები არ ცდებიან, მაგრამ ნათქვამია - "შეცდომებზე სწავლობენო". დღეს, ჩვენი სახელმწიფო უდიდესი დილემის წინაშე დგას, მიემხროს ოკუპანტ,მოღალატე რუსეთს თუ აიღოს დასავლური კურსი, რომელიც გვთავაზობს მაღალ სტანდარტებს, თუმცა სოციალურ-კულტურული თვალსაზისრით განსხვავებულია. მე ზუსტად ვერ ვიტყვი, რომელია სწორი არჩევანი ჩვენი ქვეყნის უკეთესი მომავლისთვის, მაგრამ ვთვლი, რომ ერთობლივი ძალით ერთობლივ მიზანს აუცილებლად მივაღწევთ და ჩვენი ქვეყანა იქნება უძლიერესი არა მარტო რეგიონში, არამედ მთელს მსოფლიოში. გისურვებთ წარმატებებს, "ძალა ერთობაშია"! #feedcgrant #feedc #პოლიტიკა #საინტერესო #ახალიამბები #ახალი_ამბები Feedc #ახალი_ამბები #feedcgrant #feedc #მეცნიერება #პოლიტიკა #ახალიამბები

ადამიანის ევოლუცია მილიონობით წელს ითვლის, ჭკვიანი კომპიუტერები და ინტერნეტი კი სულ რაღაც რამოდენიმე ათეული წლის წინ შეიქმნა და დღესდღეობით, თითოეული ჩვენგანის ცხოვრების განუყოფელი ნაწილია. თანამედროვე ტექნოლოგიების შექმნა კაცობრიობის უდიდესი მიღწევაა და რა თქმა უნდა, ძალიან ბევრი დადებითი მხარე აქვს. ადამიანებს მათი დახმარებით, ნებისმიერი საქმის უფრო სწრაფად განხორციელება და დროის დაზოგვა შეგვიძლია. ინტერნეტის და სოციალური ქსელების ფართო სპექტრის მეშვეობით, დღეს "მანძილი" არ წარმოადგენს დაბრკოლებას, ვეკონტაქტოთ მეგობრებს, ემიგრაციაში მყოფ ნათესავებს თუ სრულიად უცხო ადამიანებს, ასევე, გვქონდეს უწყვეტი წვდომა მსოფლიოს სხვადასხვა საერთაშორისო თუ არა საერთაშორისო უწყებებთან,თვალი ვადევნოთ კინო-სამყაროს, მივყვეთ მოდის ახალ ტენდენციებს და რაც ძალიან მნიშვნელოვანია, კერძო თუ სახელმწიფო კომპანიებს აქვთ საშუალება, თავიანთი პროდუქტის რეკლამირება მოახდინონ მსოფლიოს ნებისმიერ წერტილში. მაგრამ მათ ბევრ დადებით თვისებას აქვს უარყოფითი მხარეც, რომელიც დიდი ზიანის მომტანია თითოეული ჩვენგანისთვის. ერთ-ერთი აქტუალური საკითხია სოციალური ქსელების გავლენა საზოგადოებაზე. ვირტუალური სამყარო ერთი შეხედვით უწყინარი ფენომენია, თუმცა, მისი მომხმარებელი ძალიან ადვილად შეიძლება გახდეს საზოგადოების მხრიდან ბულინგის, ტრეფიკინგის და ფსიქოლოგიური ზეწოლის მსხვერპლი. დღეს მთელ მსოფლიოში ყველაზე პოპულარული ქსელი Facebook-ია, რომელსაც მილიონობით ადამიანი სარგებლობს და მასში ყოველდღიურად უამრავი ინფორმაცია ვრცელდება. მაგრამ, ინტერნეტ სივრცის ყველაზე ცუდი მხარე არის - პ ო რ ნ ო გ რ ა ფ ი ა. პორნოგრაფიული შინაარსის ფოტოების და ვიდეოების ნახვა ნებისმიერი ასაკის ადამიანისთვის უმარტივესია. Google-ის საძიებო სისტემაში ერთი დაწკაპუნებით შეიძლება სულ სხვა სამყაროში აღმოვჩნდეთ, და ამ საფრთხისგან არავინაა დაცული, მათ შორის არც არასრულწლოვნები. მსოფლიოს სხვადასხვა ქვეყნებში ჩატარებული კვლევებით დადგენილია, რომ 50%-ზე მეტ 11 წლის მოზარდს ნანახი აქვს სექსისტური და პორნოგრაფიული ხასიათის მატარებელი ვიდეოები. აღსანიშნავია ის ფაქტი, რომ მათი მშობლები აღნიშნულზე ინფორმაციას არ ფლობენ. ამიტომ, რისკი დიდია ბავშვებში სექსიზმი და პედოფილია გავრცელდეს. ფსიქოლოგიურ პრობლემებთან ერთად, პორნოგრაფიული ვიდეოების ყურება იწვევს რეპროდუქციული სისტემის ჩამოქვეითებას და ამცირებს ზრდასრულ ასაკში შვილის ჰყოლის ალბათობას. გაერო და სხვა ბევრი საერთაშორისო ორგანიზაცია, მშობლებს მოუწოდებენ ჰქონდეთ მეგობრული დამოკიდებულება თავიანთ შვილებთან და დაიცვან ისინი აღნიშნული საფრთხისგან. როგორც დასაწყისში ავღნიშნე, დღეს ჩვენი ცხოვრება თანამედროვე ტექნოლოგიების, ინტერნეტის და სოციალური ქსელების გარეშე შეუძლებელია. თუმცა, ადამიანებმა უნდა ვისწავლოთ მათთან გატარებული დროის კონტროლი, მოვიძიოთ მხოლოდ აუცილებელი ინფორმაცია და მნიშვნელოვანია ვიცოდეთ მისგან მომდინარე საფრთხეების შესახებ, რათა დავეხმაროთ ჩვენს შვილებს, მეგობრებს და საჭიროების შემთხვევაში, სრულიად უცნობ ადამაინებსაც კი!#feedcgrant Feedc #feedc #ტექნოლოგიები #technology #feedc #technology #ტექნოლოგიები #feedc #feedcgrant

საყვარელ ფანებთან ერთად#ახალიამბები

მეფე გიორგი I - ის სიტყვა სიკვდილის წინ ("დიდოსტატის მარჯვენა") რამდენი საუკუნე გავიდა და არაფერი შეცვლილა, სულ არაფერი... "-ამ სახლში ხომ არავინაა შენს მეტი, პიპა? - არავინაა, მეფევ ბატონო. - კარგია, პიპა, შენს მეტი რომ არავინ დაესწრო ჩემს სიკვდილს. - რა დროს სიკვდილია, რასა ბრძანებთ, მეფევ ბატონო?! - არა, ჩემი დღენი დათვლილია უკვე. მიწია გველისფერი წმიდა გიორგის რისხვამ, მე მივდივარ ამ სოფლიდან, პიპა. უამბე ჩემი ნათხრობი ვინც მომიკითხოს, ყველას. ბაგრატ უფლისწულსა და უკანასკნელ მეხამლესაც უამბე, პიპა. მე მრავალი ცოდვა მიმიძღვის ამქვეყნად. როგორც მეფეს. ისე როგორც კაცს. თითქმის ყველა ღირსება და ყველა ნაკლი ჩემი, ხალხისა მიტარებია. ვაჟკაციც ვიყავი და მშიშარაც, კეისარს ვებრძოდი, მეშინოდა ხვიარას ფესვებისა, გულზვიადიც ვიყავი და ლოთიც, მაგრამ ჩემი ხალხისთვის არასოდეს მიღალატია, პიპა. ჩვენი უბედურება ამჟამადაც ეგაა: ჩვენში მოღალატენი სჭარბობდნენ ერთგულებს, განა თუ სხვისი, საკუთარი თავის, თავის ხალხის მოღალატენი, კარგად ვიცი, თვით ჩემს მსტოვარებში ნახევარი ბიზანტიელებსა ჰყავდათ შესყიდული, ნახევარი სარკინოზებს. როცა ხალხს ამდენი მოღალატე შინა ჰყავს, მაკედონელიც ვერ გაამარჯვებინებს მას. ბასიანთან აზნაურებს რომ არ ეღალატნათ, იქაც ვძლევდი ბასილი კეისარს, იცოდე. თუ მთელმა ერმა გამარჯვება არ მოინდომა, მაკედონელიც ვერ უშველის, პიპა, რადგან ჯერ არსად გაუმარჯვნიათ მშიშრებსა და მსტოვარებს. სიყრმე და სიჭაბუკე საქართველოს შევალიე, მაგრამ ქართლელები "აფხაზს" მეძახდნენ, ხოლო აფხაზები - "ქართლელების მსტოვარს" მიწოდებდნენ ბაგრატოვანს, ლაზს. დამანელა აზნაურებისა და სარდლების კინკლაობამ, პიპა. ჩვენში ყოველ ნაბიჭვარს აზნაურობა სწყურია, ყოველ ნაცარქექიას - სარდლობა. მუდამ ბიზანტიელებს ეგებოდნენ ფეხქვეშ ჩვენი სულელი აზნაურები და ღორმუცელა ეპისკოპოზები, მეფეები მწვანე ეტლებს მიეტრფოდნენ და ბიზანტიურ ხარისხებს. ამიტომაც არ მიყვარდა პაპაჩემი - გურგენ მაგისტროსი, მამაჩემი - ბაგრატ კურაპალატი, და მცხეთიდან გაქცევის წინაღამეს ჩემს ვაჟს წავეკიდე, ბაგრატს. ჩვენი უბედურება ეგაა: სხვის ფანდურზე ბუექნაობა გვიყვარს, ამიტომაც მუსრს ავლებდა საქართველოს სხვის ქვეყნებში ატეხილი ჭირი. ხალხიც აზნაურებს ბაძავდა, პიპა, ამიტომაც მშვენიერს "უცხოს" უწოდებდნენ, კარგ ქართულ თხილს "ბერძნულს", ხოლო საუკეთესო ცერცვსაც "ბერძნულს" . სიმთვრალეში კარგი ვაჟკაცები ვართ და კარგი რიტორები, პიპა, ეგაა ოღონდ - სიფხიზლის დროს ჩადენილი ცუდკაცობა სიმთვრალეში გვავიწყდება ხოლმე, ხოლო ქეიფის დროს დანაქადები უკვე აღარ გვახსოვს გამოფხიზლებულთ. მეც მჭირდა ეგ სენი, პიპა, სიმთვრალეში მოვაკვლევინე ფხოველებს დედიჩემის დისწული გირშელ, თრიაქით მთვრალმა. ოდითგანვე ასე მოგვდგამს ქართველებს, მუდამ ჩვენს სიმცირეს მივსტიროდით, რადგან მტერი აურაცხელი გვყავდა მუდამ, მაგრამ დიდკაცი თუ გამოგვერია, მას ისე დაგკორტნით, როგორც დაკოდილ ძერას ყვავები". მცირე ხანს დადუმდა თვალდახუჭული, უცნაურად დაემანჭა სახე. ისევ გადაედო მკვდრისფერი, მერმე გაახილა თვალი და ეუბნება უშიშარაისძეს: - ახლა ადექი, პიპა, მღვდელთაგანი მომგვარე ვინმე, არ მიყვარს პამპულა ეპისკოპოსები, უბრალო დიაკვნის პუტუნი მენატრება, პიპა."

აღდგომა იმედია, რომ გარდაცვალება დასასრული არ არის... აღდგომა შურზე, მტრობაზე, სიკვდილზე გამარჯვებაა. აღდგომა სიყვარულია, რომელიც მუდმივ წრებრუნვაშია. იცვლის თაობებს, წლებს, სივრცეებს, მაგრამ არასოდეს იცვლის დანიშნულებას. აღდგომა მიტევებაა. აღდგომა პატიებაა კაცობრიობის ჩადენილ ცოდვებზე. აღდგომა ყოველი ჩვენგანის ნუგეშია, დავიბადოთ ხელახლა... რომ უფალში გავაგრძელოთ სიცოცხლე... აღდგომა უფლისა იესო ქრისტესი კაცობრიობის უკვდავებაა! გილოცავთ ქრისტიანებო!

- რომელ კლასში ხარ ლადო? - მეოთხეებში გადავდივარ. - რა ნიშნები გყავს? - რავიიი! - შენმა კლასელმა გოგომ მითხრა ორებს ღებულობსო, მართლა? - ორებს კი არა, ისაა. - მაშ, რა ნიშნები გყავს? - ხუთები, ოთხები და ალაგ-ალაგ სამები. - რა გვარი ხარ? - წიკლაური. - შეყვარებული ხომ გყავს? - შეყვარებული არა, ისაა! - მე რომ მითხრეს ჰყავსო? - არაფერიც. - შენი კლასელია? - ვინა? - ის გოგო, შენ რომ გიყვარს. - არავინაც არ მიყვარს. - მე რომ მითხრეს? - რა გითხრეს? - ლადოს ის გოგო უყვარს, კლასში მის უკან რომ ზისო. - უკან კი არა, წინ ზის. /გოდერძი ჩოხელი/???

დილამშვიდობისა???