ბრიტანელ-ამერიკელი მუსიკოსი სლეში უფრო მეტად ცნობილია, როგორც ჯგუფ Guns N Roses ყოფილი გიტარისტი. გიტარის სწავლა 14 წლის ასაკში, ბებიას მიცემულ 1 სიამიან გიტარაზე დაიწყო, თუმცა მალე დანარჩენი 5 სიმიც დაუმატა და საქმეს მეტი სერიოზულობით შეუდგა. 1984 წელს, სლეშმა გადაწყვიტა მუსიკისთვის სერიოზულად მოეკიდა ხელი და ჯგუფის ძებნა დაიწყო. მალე იზი სტრედლინი შეხვდა, რომელმაც საკუთარი ჯგუფის Hollywood Rose - ის დემო მოასმენინა. სლეშმა ყური მოჰკრა ექსელ როუზის ძალიან დაბალ დიაპაზონს და მისით დაინტერესდა. მალე იზიმ ექსელს სლეში გააცნო და ის ჯგუფში მიიღეს. სამწუხაროდ ჯგუფი, რომელიც მოგვიანებით Guns N Roses - ს სახელით გახდა ცნობილი, 1997 წელს ოფიციალურად დაიშალა. 2011 წელს სლეშმა განაცხადა, რომ იგი ჯგუფს დაუბრუნდებოდა, თუ ექსელი მას ბოდიშს მოუხდიდა, თუმცა ექსელმა ამის საპასუხოდ განაცხადა, რომ ჯგუფის კლასიკური შემადგენლობა აღარასდროს დაბრუნდებოდა. სხვადასხვა პერიოდში, სლეშზე დიდ გავლენას ახდენდნენ: ლედ ზეპელინი, ერიკ კლაპტონი, აეროსმიტი, ჯიმი ჰენდრიქსი, ნილ იანგი. გიტარისტმა ერთ-ერთ ინტერვიუში განაცხადა, რომ აეროსმიტის ალბომმა ,,Rocks” მისი მთელი ცხოვრება შეცვალა. სლეშის ერთ-ერთი ცნობილი სოლო შეგიძლიათ იხილოთ ლინკზე: #music #art #musician #slash #world #history

არგენტინელი მხატვარი, ფაბიან პერეზი 1967 წლის 2 ნოემბერს, ბუენოს აირესში დაიბადა. მისი, როგორც მხატვრის ისტორია 22 წლის ასაკში, იტალიაში გადასვლიდან იწყება. პერეზის ნახატები ძლიერი ემოციის მატარებელია, სტილი, რომელიც მხატვარს სხვებისგან გამოარჩევს ხასიათდება ენერგიულობით, სექსუალურობით. ვნება, რომელიც მისი ნამუშევრებიდან გამოსჭვივის დიდ ემოციურ გავლენას ახდენს ადამიანებზე. პერეზის თითქმის ყველა ნამუშევარი აკრილის საღებავშია შესრულებული. მხატვარი დღეს ლოსანჯელესში ცხოვრობს. #art #history #world #painter #modernart

რენე მაგრიტი დაიბადა 1898 წლის 21 ნოემბერს ბელგიაში. ცნობილი, როგორც სიურეალისტი მხატვარი, რომლის შემოქმედებაც ხასიათდება მისტიკითა და ემოციურობით. რენეს განსაკუთრებული ხედვის შესახებ არსებობს მოსაზრება, რომ მისი შემოქმედება მხატვრის ტრაგიკულმა ცხოვრებამ განაპირობა (ჯერ კიდევ 4 წლის ასაკში საკუთარი დედა იპოვა ჭაში დამხრჩვალი). ოდნავ მოგვიანებით, რენემ მხატვრობის შესწავლა ბრიუსელის ხელოვნების სამეფო აკადემიაში დაიწყო. 1926 წელს შექმნა პირველი სიურეალისტური ნახატი ,,დაკარგული ჟოკეი“. მაგრიტის ნახატები სიზმრებს გავს, ამოუხსნელი და გამოუცნობია, რეალობისგან მოშორებულია, თუმცა ამავე დროს მასთან მჭიდროდ დაკავშირებულია. ნამუშევრების ნახვისას ისეთი გრძნობა გეუფლება, თითქოს ეს ყველაფერი ძალიან ნაცნობია, სადღაც უკვე გინახავს. “ჩემი შემოქმედება ხილვადი ნახატებისგან შედგება, რომელშიც არაფერი იმალება; მასში თვით მისტიურობა გამოსჭვივის, და მართლაც, ჩემი ნახატების ხილვისას, ყოველთვის იბადება კითხვა: ”ნეტავ, რას უნდა ნიშნავდეს?” – არც არაფერს, მათ მნიშვნელობა არ გააჩნიათ, რამეთუ თვით მისტიკა არაფერს ნიშნავს, მისი შეცნობა შეუძლებელია” რენე მაგრიტი. მხატვრის შემოქმედებაში არსებობს რამდენიმე ნახატი, რომელიც სუსტი ფსიქიკის მქონე პირებისა და არასრულწლოვნებისათვის რეკომენდირებული არ არის.#art #world #history #painter #modernart

საბერძნეთში მოპოვებული უძველესი ჩანაწერების მიხედვით, ქალი მხატვრების სახელები ხშირად იმალებოდა. თუმცა არსებობდნენ ქალები, რომლებმაც გაბედეს და საკუთარი ნამუშევრები, როგორც მხატვრებმა ისტორიას უსახსოვრეს. ეს ქალბატონები სამხატვრო განათლებას მხოლოდ მხატვარი მამის სახელოსნოებიდან ეცნობოდნენ, სხვანაირად მათთვის განათლების მიღება უბრალოდ წარმოუდგენელი იყო. ქვემოთ გაგაცნობთ, რამდენიმე მათგანს, რომლებიც რენესანსის ეპოქაში მოღვაწეობდა. Sofonisba Anguissola (1532-1626) - მოღვაწეობდა იტალიაში, თავდაპირველად ის მხოლოდ ხელოვნების შესწავლით იყო დაკავებული, თუმცა მალევე გაუჩნდა სურვილი, რომ თავად შეექმნა ხელოვნება. მიუხედავად იმისა, რომ მას დიდი პრობლემები ხატვის შესწავლისას არ შექმნია, მაინც იყო ერთი აკრძალვა, კერძოდ, მას არ შეეძლო ანატომიის შესწავლა და შიშველი სხეულების ხატვა, რაც მისი სქესით იყო განპირობებული. 1554 წელს იგი მიქელანჯელოს ხვდება, რის შემდეგაც იწყება მათ შორის ჩანახატების სისტემატური გაცვლის სახით სწავლება. Artemisia Gentileschi (1593–1652) - იტალიელი მხატვარი, რომელიც ბოროკოს სტილში ხატავდა. დაიბადა მხატვრის ოჯახში, თუმცა მისი ცხოვრება სავსე იყო ტრაგიზმითა და უამრავი დაბრკოლებით. არტემისიას მამამ მალე შეამჩნია ის ტალანტი, რომელიც მის ქალიშვილს ხვდა წილად, ამიტომ მისთვის კერძო მასწავლებელი მოიწვია ხატვის შესასწავლად, თუმცა ახალგაზრდა მასწავლებელმა არტემისია გააუპატიურა სხვა კაცის დახმარებით. მიუხედავად ყველაფრისა, მან მოახერხა გამხდარიყო პირველი ქალი მხატვარი, რომელსაც იმდენივეს უხდიდნენ და ისევე აფასებდნენ, როგორც იმ დროინდელ მამაკაც მხატვრებს. Adélaïde Labille-Guiard (1749-1803) - ფრანგი მხატვარი, რომელიც ძირითადად პორტრეტებს ქმნიდა. მიმდინარეობა: როკოკო, ნეოკლასიციზმი. ადელაიდა პირველი ქალი მხატვარი იყო, რომელიც პარიზის სამეფო სამხატვრო აკადემიაში მიიღეს. თუმცა, აქამდე მისასვლელი გზა არ ყოფილა მისთვის ადვილი. ახალგაზრდა მხატვარს ცილი დასწამეს, რომ ის საკუთარი მასწავლებლის ნახატებს ასაღებდა მისად, ასევე დაადანაშაულეს სექსუალურ აღვირახსნილობასა და დაუკმაყოფილებლობაში. საბედნიეროდ, ადელაიდას გვერდით ედგა სამხატვრო აკადემიის ხელმძღვანელის მეუღლე - გრაფინია, რომელიც მას პრობლემების გადახალვაში ეხმარებოდა. 1783 წელს, ადელაიდამ პარიზში პირველი ქალთა სამხატვრო სკოლა დაარსა, და პირველივე წელს 9 ქალი - მოსწავლე მიიღო.#art #painters #history #world #woman

შეუდარებელმა ვოკალმა, დეპრესიულმა და მელანქოლიურმა ელემენტებმა, რომელიც ასე ნაცნობი და სახასიათო იყო ახალგაზრდა ვოკალისტისთვის, შეძლო მსოფლიო საზოგადოების ყურადღების მიქცევა. კობეინი მსოფლიომ შეიყვარა. სამწუხაროდ მომღერალს ეს ნაკლებად აინტერესებდა, მისი ახალგაზრდობა თვითმკვლელობით დასრულდა. სიკვდილის წინ კურტმა ჩანაწერი გააკეთა - ,,შვიდი წლის ასაკიდან მე მთელი კაცობრიობა მძულდა“. 1976 წლის ივნისში როდესაც მისი მშობლები გაშორდნენ, ახალგაზრდა კობეინმა თავის ოთახში კედელზე დაწერა:”მე მეზიზღება დედა, მე მეზიზღება მამა, მამას ეზიზღება დედა, დედას ეზიზღება მამა, ამის გამო შეუძლებელია უბრალოდ არ იყო მოწყენილი”. კობეინმა ყოველდღიურად დაიწყო ჰეროინის მიღება, რათა დაეხშო ძლიერი კუჭის ტკივილი. გავრცელებული ინფორმაციით ის ჰეროინზე დღეში 100 დოლარს ხარჯავდა. კურტმა მომავალი სიყვარული - კორტნი ლავი პირველად საკუთარ კონცერტზე იხილა. კორტნი ნამდვილად არ იყო ჩვეულებრივი, სწავლობდა გიტარაზე დაკვრას, წერდა სიმღერებს და მუსიკას, ჩამოაყალიბა მუსიკალური ჯგუფი ,,The Hole”. მას უყვარდა, იღებდა ნარკოტიკებს და აწყობდა სკანდალებს. კურტისა და კორტნის რომანი თავდავიწყებასა და უაღრეს ლტოლვას გულისხმობდა. როცა კორტნი კურტმა ცოლად მოიყვანა, იგი უკვე ფეხმძიმედ იყო. კურტი ბედნიერი იყო: „მე ახლა ყველაზე ბედნიერი ვარ. როგორც იქნა მე ვიპოვე ადამიანი, რომელიც თავიდან ბოლომდე მე მგავს და საერთოდ არ აქვს მნიშვნელობა ვინ არის იგი – ქალია, კაცია, ჰერმაფროდიტი თუ აქლემი. მთავარი ის არის რომ ჩვენ ერთმანეთისთვის იდეალურები ვართ.“ კობეინი 24 წლის ასაკში ვარსკვლავი იყო. 27 წლის ასაკში კი - მკვდარი.#music #history #world #nirvana

"ჩემს ცხოვრებაში ორი საბედისწერო შემთხვევა მოხდა: ერთხელ, როცა ავტობუსისა და ტრამვაის შეჯახებისას მიწაზე დავენარცხე და ხეიბრად ვიქეცი, მეორედ, როცა დიეგო რივერას შევხვდი და ემოციურად გამოვცარიელდი", - ფრიდა კალო. მექსიკელი მხატვარი - ფრიდა კალო 1907 წელს, კოიოაკანში დაიბადა. 18 წლის იყო ფრიდა, როდესაც საშინელი ავარიის მსხვერპლი გახდა: ავტობუსი, რომელშიც გოგონა იჯდა, ტრამვაის დაეჯახა. ავარიის შედეგები ფრიდასათვის საშინელი იყო, ადამიანი თუ შეძლებდა რაღაც სასწაულით გადარჩენას, ეს ბედნიერი გამონაკლისი ფრიდა კალო აღმოჩნდა. პირველად სწორედ ამ პერიოდში მოთხოვა ფრიდამ მამას ფუნჯი და საღებავები. მისივე თხოვნით ლოგინზე მიამაგრეს სპეციალური ჩარჩო და ასე, ზურგზე დაწოლილმა დაიწყო ხატვის სწავლა. ბობოქარი გრძნობებით შეპყრობილი ქალიშვილი 22 წლის ასაკში ოცი წლით უფროს მექსიკელ მხატვარსა და ფერმწერ, დიეგო რივერაზე ქორწინდება. მათ შორის ჩნდება ვნებიანი და დაუცხრომელი ურთიერთობა, რომელიც უძლებს ღალატს, ფრიდას ლესბოსურ თავგადასავლებს, შემოქმედებით ზეწოლას, განქორწინებას, მეორედ ქორწინებას, ფრიდას სნეულებასა და უშვილობას. ფრიდას 143 ნამუშევრიდან 55 ავტოპორტრეტია. შეკითხვაზე, თუ რატომ ქმნიდა ამდენ ავტოპორტრეტს, ფრიდა პასუხობდა: "მე ჩემს თავს ვხატავ, რადგან ყოველთვის მარტო ვარ, საკუთარი თავი კი ჩემთვის ყველაზე ნაცნობი თემაა". მხატვარი, რომლის შემოქმედებაც შეიძლება დავასათაუროთ როგორც ,,მგრძნობიარე რევოლუცია“, 1954 წელს გარდაიცვალა 47 წლის ასაკში. 1958 წელს ფრიდას საკუთარი სახლი სახელწოდებით ,,ლაჟვარდისფერი სახლი“ ოფიციალურად ფრიდა კალოს სახლ-მუზეუმად იქცა. "მე მინდოდა დამეხრჩო ჩემი სევდა, მაგრამ ეს ნაძირალა ცურვას სწავლობდა და კვლავ და კვლავ ბრუნდებოდა ჩემთან", - წერდა ფრიდა თავის დღიურში.#art #artist #world #history #painter

#ბიზნესი #კულინარია #ასტროლოგია #ტექნოლოგიები #მეცნიერება #მოდა #ჯანსაღიცხოვრება #მოგზაურობა #სპორტი #ხელოვნება #პოლიტიკა #ახალიამბები

❗➡️ადამიანები ხშირად ვერ აცნობიერებენ, რომ მათთვის რამდენად მნიშვნელოვანია და ვერ წყვეტენ ითხოვონ თუ არა დახმარება. ან უპირატესობას სხვა, მატერიალურ ფასეულობებს ანიჭებენ უფრო მეტად, ვიდრე გონების გაჯანსაღებაზე ზრუნვას. ❗➡️ გახსოვდეთ, ფსიქოთერაპია კერძო, კონფიდენციალური ინდივიდუალური საიბარია: მოსმენა და რჩევების მიცემა, სწავლება იმისა, თუ როგორ წარმართო შენი ცხოვრება სწორად. ✅ როგორ გაითავისუფლო თავი წარსულში განცდილი მძიმე ფიზიკური თუ ფსიქიკური ემოციებისგან. ✅ როგორ განდევნო სხეულიდან და გონებიდან ნეგატიური ემოციები და ✅ როგორ ისწავლო ემოციების სწორად მართვა და გაიუმჯობესო კომუნიკაციის უნარები. მოგეხსენებათ, რომ სწორედ ემოციებზე და სწორ კომუნიკაციაზეა დამოკიდებული მთელი ჩვენი ცხოვრება. ამიტომ, ეს ძალიან მნიშვნელოვანია. ❗❗❗ ფსიქოთერაპიას არაფერი აქვს საერთო წამლებთან და მედიცინასთან. ✅ეს არის საგანმანათლებლო ფსიქოლოგია, გონების მეცნიერება, რომელიც სიტყვის საშუალებით მკურნალობს გონებას და სხეულს. ✅ეს ხდება მაშინ, როდესაც ეცნობი ფსიქოლოგიურ ლიტერატურას იმის თაობაზე, თუ როგორ ადაპტირდე გარემოსთან და როგორ შეძლო თავისუფლად ცხოვრება ადამიანების გარემოცვაში; ✅ თვალი გაუსწორო და დასძლიო ცხოვრების სირთულეები; ✅ როგორ გაიმდიდრო ლექსიკის მარაგი, რათა დაამყარო სათანადო კონტაქტი გარესამყაროსთან; ✅ როგორ შესძლო კომფლიქტების მოგვარება; ✅ როგორ მოიპოვო სიმშვიდე მედიტაციების და დადებითი აფირმაციების საშუალებით. ❗☯️ ეს არის პიროვნული ზრდა - განვითარება, რომელიც თეორიული და პრაქტიკული მასალის შესწავლის შედეგად ხდება. ❗❗❗ გახსოვდეთ, ყოველი სომატური გამოვლინება, სხეულში რომელიმე ორგანოს ტკივილი, პირდაპირ დამოკიდებულია ფსიქიკურ ტკივილთან, რადგან საზღვარი ჩვენს გონებასა და სხეულს შორის არის ჩვენს გონებაში. გონებით იმართება ჩვენი სხეული. გონების საშუალებით ,,ვაზროვნებთ და მაშასადამე ვარსებობთ''.❗#სპორტი #მოდა #კულინარია #ასტროლოგია #ტექნოლოგიები #მეცნიერება #ბიზნესი #ჯანსაღიცხოვრება #მოგზაურობა #ხელოვნება #პოლიტიკა #ახალიამბები

#ხელოვნება #კულინარია #ასტროლოგია #ტექნოლოგიები #მეცნიერება #ბიზნესი #ჯანსაღიცხოვრება #მოდა #სპორტი #მოგზაურობა #პოლიტიკა #ახალიამბები

#ასტროლოგია #მეცნიერება #ბიზნესი #ჯანსაღიცხოვრება #მოგზაურობა #ხელოვნება #ახალიამბები